كشف الإعلامي أحمد شوبير، عن تفاصيل ما تردد بشأن العثور على أعمال سحر للاعب مؤمن زكريا، نجم الأهلي والزمالك السابق، في مقبرة مملوكة لنجم الكرة المصرية السابق، مجدي عبدالغني.
وأكد شوبير في تصريحات إذاعية عبر «أون تايم سبورتس إف أم»: «امبارح استقبلت رسالة من برا مصر، مجواها اللي حصل لـ مؤمن زكريا ده صح؟».
وأضاف: «أول حاجة جت في ذهني، كانت أمرًا سيئًا لا قدر الله، فقمت بسرعة شوفت الأخبار وسمعت وبقيت مذهول، واحد قالك المقابر دي بتاعت مجدي عبدالغني، وبقا مجدي هو المذنب».
وأكمل شوبير: «طيب لو في اتنين بيتخانقوا تحت بيتي وواحد قتل التاني، أبقى أنا السبب؟، وطلع بعدها مجدي نفى الأمر وقال إنه من 40 سنة مراحش هذه المقابر».
وأتم: «أجمل حاجة حصلت إن جهات التحقيق جابت الولد امبارح، وتم استدعاؤه، وده أكتر حاجة عجبتني في الموضوع، وهيبان خلال الساعات القليلة المقبلة حقيقة الأمر».
