يرى خالد الغندور، نجم نادي الزمالك السابق، أن أنباء انتقال أحمد مصطفى «زيزو»، جناح الفريق الأول لكرة القدم بنادي الزمالك، لصفوف الأهلي، خلال فترة الانتقالات الصيفية المُقبلة، شيء مضحك.
وقال خالد الغندور في تصريحات عبر إذاعة «أون سبورت إف إم»: «سيبك من اللي مكتوب على المواقع لأنه طالع من جوا الأهلي، الأهلي عاوز يوصل للإعلام أن زيزو هياخد 30 مليون ودي حاجة مضحكة».
وأضاف: «يعني عاوز من الزمالك اللي عمل اسمه 80 مليون، وهيقبل ياخد من الأهلي 30 مليون بس».
وتابع: «لما يبقى في نجم وأجي أخليه يفقد جماهيريته وجمهور الزمالك عشان أغريه يروح المنافس، لازم أديه فلوس كتير».
وأردف: «المعلومات اللي عندي في الأهلي، عارضين عليه مبلغًا كبيرًا جدًا بجانب هدايا وعربيات، ووالد زيزو هو اللي متفق على كل حاجة، لكن التوقيع لم يتم.
وأتم خالد الغندور تصريحاته قائلاً: «الصراحة الطبيعية هي أنه لم يُمضِ لأن زيزو كان عنده معسكر بقاله خمس أو سبع أيام مع المنتخب وكان في المغرب ووالده ما يقدرش يمضي مكانه إلا لو كان عامل لوكيله توكيلًا، ووالده مش معتمد كوكيل، يعني هو بيتفاوض كوالده».
